PAU
/ E 776
Procuration donnée par Guillaume de Saint-Léon, veuve de Hugues Ebrart, à Jean d'Artensa, pour rendre à Archambaud V, comte de Périgord, l'hommage qu'elle lui devait en raison de terres dans la châtellenie de Montignac (1396) (en occitan médiéval) .
Guillerme de St-Léon, veuve de Hugon Ebrart, fait hommage au comte de Périgord de tous ses biens situés sur le territoire de Montinhac. 19 octobre 1396
A totz aquels qui aquestas presens letras veyran ni auviran salut. Sapchan tuch que iou Guilherma de Sen Lhions, molher que fuy de Hugó Ebrart, fauc e ordeni e costituischi (1) procurador meo (2) general e especial Johan d’Artensa exhibidor (3) de las presens a far lo homenatge e sagramen de feutat am totas las causas que s’i apertenen e tot los autres devers, los quals you la dicha Guillerma devi far al nòble e poychan senhor Moss. lo Comte de Peregòrt per causa e per razó dels bes, causas, heretatges e proprietatz qual que se sian las quals you la dicha Guillerma [y’ei ni] (4) tenh del dich Moss. lo Comte el poder e ella (5) honor de Montinhac en quanha que maniera se sia ni nòstre (6) predesessor an acostumat a far al dich Moss. lo Comte ni a sos predesessors en tota maniera, e a reconoycher a tener del dich Moss. totas las dichas causas, e a èsser sa homena litga per razó dels bes sobredichs, eychí cum you poyria far si you era presens. E you la dicha Guillerma prometi aver per ferm e per agradable totas las causas que per lo dich Johan en ayssò seran fachas ; e lo prometi a relevar (7) d’aquestas causa en tota maniera jos obligansa e ypotheca de mon pròpri còrs e de mos bes mòbles e no mòbles qual que se sian. E per maior fermetat e valor de totas las causas desús dichas, you la dicha Guillerma en aquestas presen letras vòlh far metre lo sagel dels contraymens (8) del dich Moss. lo Comte am loqual òm usa (9) el luòc e ella honor de Montinhac en aytals cas. Donat el luòc de Sen Lhions, presens testemònis G. Godalh, P. de La Ròcha, testemònis a las causas avandichas apelatz, lo XXIX jorn del mes de octòbre l’an de Nostre Senhor M CCC IIII XX e XVI.
- (1) - -sch- note la palat. loc. de /s/ au contact de i p. constituissi
- (2) - var. graph. de meu : mon, mien
- (3) - latinisme juridique (du lat exhibitor) = chargé de rendre publique et produire éventuellement en justice la présente lettre
- (4) - lecture et interprétation conjecturales : on lit nettement ye suivi de 3 jambages … Anglade cite ei comme var. ancienne de ai, et la redondance aver e tener est courante > peut-être y’ei ni tenh = j’ai e je tiens…
- (5) - ella contract. de en la
- (6)- comprendre : en quanha maniera que se sia ni que nòstre predecessor : en quelque manière que ce soit et que nos prédéssesseurs…
- (7) - lo prometi a relevar : je promets de le dédommager
- (8) - ce mot n’est pas donné par Lévy ni Mistral…ss doute synomyme « fabriqué » de contrach : contrat, acte juridique, par confusion entre traïr / traire (de lat tradere, > dérivé tradiment / traïment) et traire (de lat trahere), participe passé trach > composé contrach…
- (9) - lo sagel… am loqual òm usa = le sceau … dont on se sert